tag:blogger.com,1999:blog-57664533720820838142024-03-04T21:10:12.413-08:00zoa tlaungaihtuah peihte tan...zoatlauhttp://www.blogger.com/profile/11395104867287413631noreply@blogger.comBlogger18125tag:blogger.com,1999:blog-5766453372082083814.post-71672705855258279962010-09-17T02:33:00.000-07:002010-09-17T03:07:59.109-07:00A herliam ve ta; thawm dim te-in...<a onblur="try {parent.deselectBloggerImageGracefully();} catch(e) {}" href="https://blogger.googleusercontent.com/img/b/R29vZ2xl/AVvXsEh7tcdgWxD40mJVGD7M0R-Sf2Fl6EkArGYCdAAHL3kr_IT-jH2PbktvF76dim_ZEWl2S6HT_0Oi5BYEt1p7i2OVDTL2AgHtFAL7RyeNGxOOQbcohadvRmhEGTFIF6XobIDv2CBsCTK5w1zr/s1600/3.jpg"><img style="display: block; margin: 0px auto 10px; text-align: center; cursor: pointer; width: 320px; height: 240px;" src="https://blogger.googleusercontent.com/img/b/R29vZ2xl/AVvXsEh7tcdgWxD40mJVGD7M0R-Sf2Fl6EkArGYCdAAHL3kr_IT-jH2PbktvF76dim_ZEWl2S6HT_0Oi5BYEt1p7i2OVDTL2AgHtFAL7RyeNGxOOQbcohadvRmhEGTFIF6XobIDv2CBsCTK5w1zr/s320/3.jpg" alt="" id="BLOGGER_PHOTO_ID_5517820302401954114" border="0" /></a>"Comrade hlui... zalenna zawnga kan vahvaihna khua a sei lua e..." Hnam movement-a theihtawp a chhuahpui thrin Malsawma Colney, MNF president hlui chu ka pu chuan a ruang chunga thusawi turin a lo tihlawk a ni a, a sawilawk ang ngeiin thu a sawi ta a ni.<br />===============================================<br /><br /><br />Sikul ka kai tir mai a la ni a, ka puin thu tam tak min hrilhte chu a chang chuan man thiam har ka ti fo thrin. Tlai khat phei chu kan khum mawngah hian Israel fate'n Pathian thu an awih loh avanga thlalera an vahvaihna kawng hi a lo tar vang mai a, chu chu kan pahnih chuan zan tam tak chhung chu kan thil zir a ni, awlsam tea an tum ram thleng mai tur kawng an han bo nasat zia mai khah... khalaia kha ka pu chuan a tuipui ber niin tunhnu hian ka hre thrin.<br /><br />Tu hmuh hmasak ber mipa lo ni bawk nen, ka pu nen hian a kipa kawiin kan inzui a, Chaltlangah kan pahnihin kan awm dun reng a, sikul kai tirh lai a ni nghe nghe. Heng hmun atranga khawchhak Triu lui hnaih tak tak thlenga ram hnuaia riaka hun kan hman kha a tam hle, ani chu 'ramhnuai mi' a ni a, naupang te si kha luipui kamah khan riak dunin a duh duh hunah ramngaw karah min kalsan fo a, thin phu a lian ve fo. Khang hunte ka thlirkir ka thlirkir tawh mai dawn nite hian ka hre thrin.<br /><br />Col. Vanthanga hi hnam movement kal nat lai hre phakte leh Laldenga dodalna chungchang lo tuipuite mi tlemte chauhin an hre tawhin ka ring. Kum 1920 khan Biate-ah a lo piang a, unau pariat niin hmeichhia pakhat an nei, an hunga buh an thar hnema chhungkaw ziding leh hausa an tling ve thrin an ti. Kum 1943 khan kum 23 mi niin Assam Regiment-ah a trang a, Havilder a ni hman a, 2nd Batallion Shillong-a an hel truma ata ei duh loh avanga India sipai atranga ban zingah khan a tel a ni.<br /><br />Khatia sipai zinga ban a nih hnu kum 1966 khan ram a buai chho ta mai si a, rilru lo hel sa bawk nen MNF movement chu zawm nghalin Eastern Command-ah Asst Commander nihnate a chelh chho a, Champhai runte kha Eastern Command chuan hlawhtling takin an kalpui a ni.<br /><br />Ram a buai zel a, Bangladesh lama hnam sipai an tlakthlak khan Colonel nihna an pe a, rinawm tana ram leh hnam tana beiin UT Command-ah Commander-in dah a ni a, Chief of Army Staff dinhmunte pawh a chelh hman nghe nghe.<br /><br />Kum 1970s khan Pu Laldenga leh India an inbiak chhoh lai khan Col. Vanthanga hi UT Commander in a awm a, hnam sipaite tawrh laia president ber khawsak dan chu duh lovin hnam sipai senior officer kokhawmin Laldenga rin lohna lam thu an titlu ta a, kum 1978 khan Laldenga chuan Col Vanthanga chu a rawn tawng tak avangin ani pawhin Open Letter sei tak thawnin MNF president bera chu UT Commander leh hnam sipai senior officer chuan mipui hriatah a bei ta a ni.<br /><br />Hemi hnu hian Col Vanthanga chu hnam tana thrahnem ngai taka beitu midangte ang thovin Laldenga chuan a 'ban' ta a ni. A vanglai hun zawng zawng hnam tana a lo inhmanral hnuin ka pu nen chuan he khawvelah hian kan intawng ta a, a titi tui ber pakhat chu 'an rammut lai leh a tupa' tiin an sawi thrin a.<br /><br />Khatia MNF president berin a mi leh sate tawrhna hre lova nuamsa taka India thlazar hnuaia a awm reng avang khan ka pu chuan Laldenga kha a dem a, hnam sipai thite leh nunna chante thisen chu atan chuan thinrimna a tling reng a, Laldenga'n inbiakna a kalpuiaa inkahhai a nih chhung hian ka pu chuan hnam sipai 11 lai India sipai lakah an thi tih a tarlang a, 300 chuangin hliam an tuar tihte a lo ziaklang a ni.<br /><br />Ka ngaihtuah let leh a, khatia a vanglai hunte a hman zawha kan intawn hnu khan Israel fate zinkawng kha a tuipui em em a, Apokrifa te kan chhiar nasa thei hle. Hnam movement kalpui dan kha Laldenga khan a tawp lamah khan a kalpui dik ta lo a ti ni hian ka hre thrin a, chuvang chuan Zo hnam zalenna kawng chu thui tak a lo ni ta niin ka pu khan a suangtuah thrin nite hian ka ngai a ni.<br /><br />Ka naupan tet lai atrangin ka pu nen hian kan inkawm nasa em em a, ram palailengah pawh zan tam kan riak dun thrin a, thang kan kam a, thawnthu min hrilh a, kein hmun hla tak takahte kan zin dun thrin. A titi tam takah hnam movement an kalpui lai min hrilh thrin a, mahse ka hrethiam pha hlawl lo tih hi ka pha lo, chutiang thawnthu mak tak tak chu a ke bulah chuan ka inchawm seilenna a ni. Mahse kum a upa ve zel a, ka man ve tial tial a, ka man tak tak hnuin ani chu thisen sang avangin a trawng a fiah thei ta lo a, engmah kan inzawt chhuak ta lo thung, mahse sulhnu a lo nei nual maia zawnkhawm chu ka tih tur a ni ta hmel.zoatlauhttp://www.blogger.com/profile/11395104867287413631noreply@blogger.com1tag:blogger.com,1999:blog-5766453372082083814.post-24584855607740165382010-06-04T00:48:00.000-07:002010-06-04T00:58:39.167-07:00Bomb leh bomb loha Zopa inhnial hi a zahthlakKum 44 chauh a ni la liam ni... India sawrkarin Mizo Hills kha Air Force meuha a beihna kha. Kum 40 chuang a liam hnuah tunlai hian sawrkar laipui chuan thlawhna hman tur a nih leh nih loh hi mi tam tak inhnialna a ni. Maoist-te chuan India ram hmun zaa 40 velah thawm an nei mek a, sawrkar laipuiin a ngaimawh, ngaihdan hrang hrang an la a, thlawhna hmanga beih mai tha ti an awm, mahse Mizo Hills an lo beih tawhna an rawn thlir let a, thlawhnaa bomb hmanga inbeih meuh chu mahni mi leh sate chungah thleng tawh suh se ti pawl an awm a, heng mite hian thawm pawh an nei lian hle.<br /><br />Keini ramah ve hian leh, kan khawpui Aizawl ngei mai India Air force thlawhna hunter leh toofani-in a rawn bei hmu ngei ngeitute khan 'min bomb hleinem...' tiin sawi mam kan tum ta tlat mai hi a ni mak ni. Tute emaw hming a chhiat hlauh vanga mahni ram leh hnam history a dik loa sawi tum tlat hi Zopa zingah hian kan awm thei dawn tihna a ni awm ta em! Aizawl chauh ni lo, Mizo Hills hmun 8 lai chu India Air Force khan a bei a nih kha.<br /><br />Khatiang em ema mahni khua leh tuia an chhalte an bei ta mai kha tun hnu hian mithiam leh ngaihtuahna hmangte chuan awm lo an ti a, Maoist chungah pawh hian thleng lo se an duh ta hial zawk a, chu chu Mizoram dinhmun atanga inzirna tur niin an ngai.<br /><br />India khan Armed Forces Special Powers Act kha Mizo Hills-ah a puang a nih si chuan ngatinge Air Force hmanga a rawn thawhchhuah tak mai le? Armed Forces chuan min lo bei, Mizopa pawhin an lo bei, leia indona a ni, mahse van indona kha a thu puan bawhchhia khan a rawn hmang a, hei hi ngaihtuah chian hian rapthlak tak chu a tling a ni.<br /><br />Mizoram bomb ang chu Maoist chungah thleng suh se... tia hrawk phiar tawng tawnga au an awm tawh laia a Zopa berin "min bomb lo" lo tih hi eng ngaihtuahna atanga rawn chhuak nge ni ta ang le... Mahni hnam tawrhna theihnghilhtute hi thangtharte hian enganginnge an ngaih dawn che u aw ka ti. A rei tual tual anga kan hnam dikna leh chanvo humhalh turin hnam history leh hnam movement lo awm tawhte hi thangtharte hian an la tuipui dawn chauh asin.zoatlauhttp://www.blogger.com/profile/11395104867287413631noreply@blogger.com6tag:blogger.com,1999:blog-5766453372082083814.post-4322662588703241802010-03-16T20:35:00.000-07:002010-03-16T20:51:09.039-07:00Thlirna changkang tak tak hi"Sawrkar hian lo hal khap rawh se..." tih rilru pu tawkte kan awm tan leh ta niin a lang. Tun lai kan thlirna tam ber hi 19th Century vela Europe-hovin fing ber emaw an in tih laia Euro-centric lam hawi zawnga thil an thlir vek hi a ang tih chang ka nei thin. Aizawl atangin pen kan hum a, Zoram kan thlir kan ti a, chu chuan mipui huapzo lam aiin khawvel ram fing zawkte thu leh hla tuipuinaah min kailut nite hian ka hre thin.<br /><br />Thing leh mau vawnhim, environmental issue etc. te hi Mizote hian kan sawi ve pha meuh emaw'n chu le ka ti. Khawvel ram changkangin hmasawn an tum luatah boruak an tibawlhhlawh zo a, tun hnuah an inhmuchhuak a, 'global warming' tih te 'air pollution' tihte an rawn au pui a, zirlaibu atante an rawn tilar a, chung an khawih chhiat boruak siamthaa veng tur hian keini ram hnufual (indigenous people)-te hnenah an thufing bu chu min chhiartir leh daih thung.<br /><br />Kan zirlaibua environment lam an rawn uar tharte hi a tichhe tam bertute rawn tih tho tho a ni thin, keini tan hetiang issue hi sawi pawh a la ngai hleinem, keini tan chuan economy-a than hi boruak tihchhiat aiin kan 'survival' pawimawh zawk a la ni asin.<br /><br />Tun hnaiah Copenhagen-ah climate chungchangah summit a awm, kha intawhkhawm kha i thlirlet chuan boruak tichhe nasa ber bertu, mahse boruak tihchhiat titlem tha duh lo deuh deuhte chu ram hausa pui pui, hnam hnufual leh hre tlem zawkte laka environment chungchang min zirtir vak vaktute an nih hlawm kha.<br /><br />"Keini hian boruak hi kan tichhe zel ang a, nangni'n a venhim lam in lo kalpui ang a, keini kan hausa ang a, nangniin hausak lam in ngaihtuah ve hman lo ang a, nakinah chuan kan thuhnuaiah in awm tho tho dawn nia," tiin kan hmaah an rawn tawkdarh ni hian a lang.<br /><br />Thlawhna tum hmun kan nei a, Mizo zinga zaa 30 tling lo chuan an chhawr viau mai thei, mahse zaa 70 vel innghahna chu kum tin lo neih a la ni. Kan thlawhna tum turte chu lo hal khuin a tibuai thin, hei hi a zahthlak a nih chuan kan zahna lai tura zawk chu kan ram 'economy' insawh fel lo laia hi a ni. Ram hruaitu thenkhat chuan thlawhna tum thei loa kha an zak a, hnam dang an tum theih loh ten hrehawm an ti.<br /><br />Zak theuh theuh zahna lai chu a inang lo a ni e! A zahthlaka chu ram mipui tam zawkin buh thar nana primitive ber an la kalpui loh theih loh laia mi hausate thlawhna, grand vitara etc. vela an tlenga an thlawk reng mai si hi a ni.<br /><br />Thingtlang mipui thleng phak hmalakna ni tura beisei NLUP lah chu sawrkar kum khat a liam ta, khawiah tuan tak che maw NLUP? Sawrkar kum hmasaah khan budget-ah crore 100 ear marked a ni tih a ni a, khangte kha an hnukkir ta nge, hei March ni 31-ah sawrkar kum a tawp dawn ta mai si a.<br /><br />NLUP a thlawn mai maw? kan ti ang tih a hlauhawm, kuthnathawktute an rum tan... khawnge sawrkar? Khawnge intih changkanna chu?<br /><br />I lo thlir leh phawt mai ang.zoatlauhttp://www.blogger.com/profile/11395104867287413631noreply@blogger.com6tag:blogger.com,1999:blog-5766453372082083814.post-91968657727537281512009-09-04T20:17:00.000-07:002009-09-04T20:20:39.707-07:00Tlemte duh dan dan<p>Mahni duh chin tawk tawkin vangtlang ram leh kawngpui kan nek a, sawrkar building kan sak lahin nakin lawkah a la chep ange tia ngaihtuahna senga lirthei hunna tur thawl \ha helhawl siam kan tum lo a, kan in sakte a lian thei ang berin kan sa a, mihring khawsakhona atana chenna in ang hiala pawimawh kawngpui erawh a chep thei ang berin kan nek thung. A tam zawkin kawng anah in sak kan tum a, lirthei hunna tur zuah hlek lovin in kan sa a, duh ang tawka kawng hnaiha in kan sak hnuah vantlang kawngah lirthei kan la hung bawk.</p><p><br />Tlang panga cheng kan nih miau avangin kan khawpui a \hang zel a, kan lo chep ta tual tual a, sawrkar lamin lirthei hunna ngaihtuah nachang a hre lo mai ni lovin a ngaihtuah hlawl si lo. Nitin lirthei thar a pung zel a, tun hnai lawka City tih hming kan puttir Aizawl khawpui chhung chu India rama khawpui tawt berte zingah a chhiar theih ta mek a ni.</p><p><br />Chutiang taka khawpui tawtah chuan lirtheih neihte khap theih ngawt a ni bik si loh avangin mihring khawsak a changkang zel a, kawngpui zauh ve theih tawh si loha tlan tur lirthei pung thur thur chuan khawpui nun a khawih buai zo ta a, kea minute 10 kal pawh tlinglo kha motor-a kal chuan darkar changve chuangte thang a lo ngai ta a, chutia khawpui nun a khaihlak chhoh takah chuan 'lirthei hunna mumal tak siam ila, pisa kai hun laia kawngsira hungte hi dah bo vek ila, dan zawm duh lote chungah khauh takin 'action' lak se,' tia ngaihtuaha a taka kalpui theihna hun tur a liam zel a.</p><p><br />A diltu an tam si a, a diltuten vote zawng politician an nek nat fu si avangin taxi permit chu mi tam takin an lo nei ta a, taxi neitu an lo pung zel a, khawpui titawt bertuah ngaih an ni ta hial.<br />Sawrkar thuneituten khawpui tih thawlna tur a rang a ranga ngaihtuah a ngaih laiin an ngaihtuah lo a, parking hmun lian tham siam aiin shopping mall leh khawpui tawt laia auditorium tih lente an ngaihtuah ta deuh deuh a, mipui tih lawm nan taxi leina tur pawisa nei pha ngatte hnenah taxi permit an thei sem a, chuti chuan khawpui chu a lo tawt ta a, tihthawl a ngai a nih hi tiin ngaihtuahna an han seng ta a, chutah chuan a thiltitheite chuan 'keini hi a ni mawhphurtu' an ti leh ta der lo. A thawm nei na lo thei ber tur, a dinhmun chhe ber, pawimawhna nei nep ber, zuamawm ber chu a tuartu tura rel thluk a ni leh ta hleuh a ni.</p><p><br />Hei hi a ni capitalist society ziarang dik tak chu, hei hi a ni Karl Marx-an a thiltithei leh hausa tlemte te thuneihna society a lo tih ngei chu. Taxi permit duh zat zat pekchhuaha mawhphurtu ni lo, khawpui tawt tihthawlna tura parking hmun \ha ngaihtuaha roreltu dinhmuna ding phak ni lo, kawngpui nekchep pha pawh ni lo, mite in luaha khawsa naw nawa harsa taka professional driving license nei vea chhungkaw hrawk chawmna atan taxi a khalh theih tih hriaa mi taxi khalhtu chu a ni tuar tura kan tih hmasak ber tak zela chu ni!</p><p><br />Kan society hian vei \ha lo tak a vei \an mek a, chumi lakah chuan mirethei leh thilti ve thei lo, chhungte nei \ha ve lote an him lo \an mek. A hausa leh thil tithei tlemte duh dan danin kan khawsa mek a, chutiang society-ah chuan hnawk tak taka an lirthei mawi tak tak kawngsira hungtute kan hau ngam ta lo a, a thlang lawka mahni tharchhuah thlai hnah lo \hutpui vetu rethei leh bakberh takte chu kan um darh chum chum a, Mizoram kawngpui hmun hrang hrang a chhiat em avangin kan sawisel cham chi a, mahse mi hausa leh tlem te thil titheite zinna kawtkai Lengpui airport road chu kum tluanin a hnum hlurh a, thingtlangpain Lengpuia thlawhna thlawkchhuak ena 'excursion' a kal laiin society-a hausa leh thiltithei mi tlem zawkte chuan thlawhna chuan leh punkhawmnaa theitui sem chu a ve rengah an ngai tawh. Lo hal hun laia thlawhna a \um theih lohte phei chuan, 'a zahthlak lutuk,' an ti daih a, a zahthlak laia Mizo mipui zaa 60 vel innghahna kalsan theih lo, mangang taka lo la neih ngai laia ai chuan mipui zaa 20 vel chauhin an chhawr tur tih khaihlak chu zahthlakah an lo ngai ta.</p><p><br />"Khawpui tihthawl nan chhungkaw pakhat lirthei pakhat aia tam nei chuan an lirthei intlanchhawktir rawh se," tiin ro kan rel tak tak hauh lovang, "sawrkar hnathawkte hi kein kal rawh se," pawh kan ti ngai lovang, kea an kal pawhin an hna chu an chan dawn hauh lo, "a zuamawmte zu chauh hi i man tawh lo vang u," kan ti ngai hek lo, engvangin? Private lirthei pakhat aia tam nei chu society-ah mi thiltithei a ni ngei ang, sawrkar hnathawk chu kan society-a thuneitu an ni deuh zel bawk ang (hnatlang kan tih pawhin a security nei \ha ber, sawrkar chawlh kan tinzawn, sawrkar hnathawkte hi Mizo mipui zaa pasarih pawh an tling lo). Zu kawl rei rui leh a \ha \ha chahluttute chu kan society-a thiltithei ber ber, dinhmun pawimawh ber ber chelhtu an ni, anni chu thah thiang lo bawngpa ang hlauh an ni, kan khawih ngam tawkte chu a hnu leh awm ve vak lo, dinhmun bul deuh tak takte chauh. Miretheite VIP an nih dawn chuan a taka ngaihtuah a ngai, khawvel society tam tak kal tawhah Karl Marx-a ngaihdan a thleng dik vek lo, miretheite zawkte hmun khata inhlawmkhawma tharum thawhna a thlen a \ul kher lo ang, hei hi 'insiamrem theih' an tiha chu a ni. Sawrkar hian a thuneihna lian tak neihte hi miretheite dimdawi thei ang berin a lekkawh a, a hausa zawkte nuai a ngaihna lai a awm pawhin huaisen taka a kalpui a ngaih hun lai tak a ni. Mizo mipui hruaituten ngaihtuahna fim an hman a ngaih hun kan thleng mek.</p>zoatlauhttp://www.blogger.com/profile/11395104867287413631noreply@blogger.com4tag:blogger.com,1999:blog-5766453372082083814.post-39030499573328859572009-08-07T02:20:00.000-07:002009-08-07T04:26:25.944-07:00Hmasawnna lo amen duak duakHmanni chu ka ngaihtuah mai mai a, Mizote hian a hminga hmasawnna tel tawh phawt mai hi chu kan amen duak duak ni mai hian ka hre thrin. Tui khuah (dam) siamte hi kan duh em em mai zel a, power siamna hmanrua tiin kan sawi mawm viau zel a, mahse a takah hian inchinfel hmasakna tur hi kan ngah viau hian ka hre ve tlat mai.<br /><br />Tunah hian kawlphetha kan lakluhna leh kan pekchhuah lehna ringawta kan hloh zat hi za 40 dawn a tling a, Aizawl chhehvel hnai mai Phunchawngahte khuan hmanni chu thriante huan kal pahin ka zawt hlawm a, "Rs 50 fixed in kan pe," tiin kawlphetha an chhit dan chawhrual dan min hrilh, TV an nei deuh zel a, refrigerator an nei bawk, thla khatah cheng 50 man chauh chu an chhi hlawm dawn lo tih chu ka hmu reng mai. Hetah hian a management kan ngaihthah tih hi chiang takin a lang.<br /><br />Kawlphetha management te hi tlemin han kalpui deuh ta ni ila chuan kan pekchhuah leh dawnna kawnga kan hloh tam tak hi kan hloh loh phah ngei ang, August ni 6 khan zan dar 8-ah kawlphetha Mizoramin kan dawng hnem ber a, chu chu megawatt 48 leh tlem a ni, hei hi kan dawn tam loh ni chu a ni ngei mai, hetah hian kan lakluh atranga zaa 40 daih kan hloh a rinawm, megawatt 5-10 te hi kan hloh thei mai ang em? Chutih laia Builum angahte thal laia megawatt 3 chauh pechhuak turah kan ram hnim leh hmun kan tihchhiat nasat ziate hi ka ngaihtuah thrin.<br /><br />Hei chauh hi a ni lo, tuna proposal tam tak kan hmuh hi tihlawhtling hlawm ila Mizoram hmun lia threna hmun khat dawn hi tuiin a chim thei dawn nitein an sawi, kan ramngaw leh thlai hausakna zozai han tihchhiat mai thrin hi thil uihawm tak a niin ka hria, India hi kawlphetha lamah a thrang zel a, keini lo siamchhuah ve vak vak a trulna hi a awm ang em?<br /><p>Rel kawngah pawh sawi a tam leh ta khawp mai, ngaihdan pakhat ka neih ve mai chu, India sawrkar sumdawnna colony tihzauna hmanraw pakhat rel kawng Mizoram lailia a rawn luh ai chuan kawngpui thra tak min sial sak zawk se, Bairabi-ah rel station thra tak nei ila, a bak zawng chu Mizo bungraw phur lirthei lianin bungrua hi phur se ka ti rih.</p><p>Kum tam vak lo a liam hnuin Bangladesh ram chu hmun tam tak khawvel lum zel vangin tuiin ram a chim dawn a, khawvela mipui tam lama pasarihna an ni a, chung mipui mangangte chuan hmun him an zawng ang, chutih hunah chuan threnawm ramah an rawn innek lut dawn chiang a, chumi huna an tana luhrukna awlsam ber tur chu rel a ni. Rel kawng hian khawvel history-ah course a thlak nasa tawh khawp mai... tun dinhmunah chuan kan khawpui bul lawka rel lu hmuh ai chuan 'thring' tih hlawh ka la thlang e!</p>zoatlauhttp://www.blogger.com/profile/11395104867287413631noreply@blogger.com7tag:blogger.com,1999:blog-5766453372082083814.post-47309190238886093472009-07-12T20:49:00.000-07:002009-07-12T20:51:59.629-07:00Rahbehna rah 'satanist'An chhungkuaah enhran bik niin a inhria a, nu leh pa kara khawsa a nih miau loh avangin i chenpuite lakah inthlahrunna lian tak a nei a, hmangaihna dawng ve lova inhriatna a nei a, in chhung khura a dinhmun a ngaihtuah changin khawtlangah inkiltawihna lian tak a nei thin.<br /><br />Beidawnna thinlung a pu a, a nunah tuihalna lian tak a awm a, a thil tihsual ni lem loahte puhna a tawk zel a, 'chhantu' a neih miau loh avangin a tawrh lam a chak a tul thin.<br /><br />A hlim ve ber lai pawhin a hlim tluantling lo a, a thinlung chhung rilah lungngaihna lian tak a awm a, a dinhmun a inhrechhuak a, a hlimna chu lungngaihnain hun rei lote chhungin a rawn khuh leh thuai thin a ni.<br /><br />Mi fate dinhmun a hre pha a, nu leh pa leh pi leh pute duat liau liau a hmu pha vek. Chung mite chu khawtlanga mi zahawm nia a hriatte leh thiltithei nia a hriatte thlir dan pawh a dang bik riauin a hria.<br /><br />Midang nun thlir cheu cheuh mi a ni a, mite dik lohna leh rilru puthmang dik lo tak takte chu a hre thei hle, Biak ina a han luh ve changte hian mi rilru dik tawk lo tak tak nia a hriatte chuan dawhsan an lo chang vung a, a thinurna a tizual thin.<br /><br />Khawtlanga a inhman ve dawnin tlin lohna lian tak neiin a inhria a, chu chuan mahni insitna lian tak a thlen. Khawtlangin fel leh rawn tlak pui puia a ngaihte dik lohna a hriatin a thin a ur a, a hmusit let a, a hlau hlek lo.<br /><br />Sual lam kawng daia in thlah zalen chang a nei a, chu chuan amah a vaw let fo thin, mahse a kawm nel pui leh a rilru ang pumite bula awm chu atan thil tihthei awmchhun a ni lo thei si lo. Society-in a zawlpuite chu pawm ve loa a hriat miau avangin society phuarkhawmtu ber Pathian biak ve kher pawh chu tul lo tihna lian tak a nei, chu chu a thinlungin a kalpelh ngamtir tlat a ni.<br /><br />Kohhrana leng lo nia inhriatna chuan biak tur dang a zawntir a, chutah chuan duhthlanna thar a neih tir a, zawlpui a neihte nena khawsakho chu a nun thar a ni...<br />(Kan khawtlang leh kohhran nunah hian siamthat tur lai kan nei em?)zoatlauhttp://www.blogger.com/profile/11395104867287413631noreply@blogger.comtag:blogger.com,1999:blog-5766453372082083814.post-19507198398331245782009-05-05T19:40:00.001-07:002009-05-05T19:40:36.902-07:00Hmanah chuan an biang a puar hman thinHmanni lawk khan Mizoram chief minister Lal Thanhawla chuan press conference a ko a, chumi tum chuan, "Hmanah chuan zu in mite kha an biang a puar hman a, an kal laih laiha rei deuh an dam thin," a ti a, "Tunah chuan an biang pawh a puar hman tawh lo, an thi mai," a ti. He a thusawi hi kei chuan zu khapburna dan a duh tawh lohna a tihlanna niin ka lo ngai ve deuh.<br /><br />A la duhtawk mai lo, "Ram thiltithei ber USA te pawhin an do hneh loh a ni a," a la ti zel a, "Mithiamte nen kan sawiho tawh a, khapburna hi hliha strict taka control a tha tih an sawi a," a ti. A CM laia zu khapna dan siamtu kha a ni a.zoatlauhttp://www.blogger.com/profile/11395104867287413631noreply@blogger.comtag:blogger.com,1999:blog-5766453372082083814.post-52788734858024823712009-04-17T04:59:00.000-07:002009-04-17T05:00:20.593-07:00Kei thliarkar rilru pu hian...<strong>Ka ti mai mai a, thliarkar rilru hi ka pu tual tual dawn niin ka inhria, globalisation an sawi tawh laiin kei chu kan hnam hi humhalh theih patawp hi ka duh ta cheu! Look East policy vanga rel kawng te, lawng chawlhna te, a tam mai, kan ram paltlang tur hian ngaihtuahna a ti thui. Mizo hnam identity hi a bo ka hlau hlel lo.</strong><br /><br />Kum 2020-ah chuan India chuan develped country nih a tum a, kan sawrkar thara chief minister chuan Sairang thleng rel kawng a kal tur thu a sawi a, hemi ti khailakte chu a vau zui nghal bawk, hei mai a la ni lo, chhim tawp Kawlchaw thlengin rel kawng kaltir tumna proposal a la awm zui.<br /><br />Ka ngaihtuah a, rel a rawn luh chuan RAP kan hlip anga chumi zawhah ILP kan hlip leh ang, vai sumdawng thiam, kan hnam hmangaihna nei hauhloten min rawn palphul ang a, chutah a ram neitu threnkha fing var deuhten vai sumdawng management thiamte thawhpuiin mahni ram leilung kan han thap ang a, kum 50 chutianga kan han kal meuh chuan kan Mizo rethei leh zualte chuan chung company-te huanah chuan an inhlawh ve trawk trawk ang, Mizoram chu thlawhpawlh tamna state a ni tawh anga hnamdang sumdawng nena thawhho thiam chu inelna a ni ang a, Mizo hnam identity chu chu development chuan a rawn run anga hnam a dam tawh lo ang.<br /><br />Chutiang dinhmun kan thlen meuh chuan a hranpaa chimral kan ngai tawh lo. Kum 100 a liam hnu phei chuan Mizoram hming pu ve siah chuan hnam chitin kan awm tawh ang, kan threnawm Cachar kan hmuh ang khuan. He thil laka him theihna chu Mizo hnam identity-a chianna hi kan inzirtir a ngai nasa, chu mai a ni lo UN declaration on rights to indigenous people te hi India hian pawm duh se, chu chu Mizo hnam hian inzirtir trauh trauh ila kan ziaawm ang. International trade-a participate tur mihring pawh kan la awm tak tak hma, mahni rama resource tam tak hlawk zawka hralh dan kawng pawh la thiam lo Zofate hian ngaihtuahna kan hman a hun.zoatlauhttp://www.blogger.com/profile/11395104867287413631noreply@blogger.comtag:blogger.com,1999:blog-5766453372082083814.post-61434670294688703692009-04-10T04:24:00.000-07:002009-04-10T04:25:22.306-07:00Kumtluan atan kan tih kha!Hmangaih berte kumtluan atana kawppui tura nupui pasal atana inneih tluka hlu leh ropui hi a awm chuang lo, khawvel chanchin tam takah chutianga hmangaih berte nei ta lo chanchin thahnem tawk tak an lo awm tawh thin, chutianga damchhunga mahni chanchin sawi tur zingah chuan R Lalengkima chu a tel ve lo a, a hmangaih ber neiin 'dam chhungin rinawmin' tiin a tiam.<br />A bialnu, a duat em em nen chuan kumin March ni 27 khan Presbyterian kohhran dan thianghlimin Vairengte biak inah an innei a, an hmangaihna thianghlim chu mipui hriatah pholan a ni a, a lawmpuitu mipui pungkhawm erawhin chu hlim ber niah chuan an mittui sur an dang zo lo.<br /><br />Hlim avanga mittui tla nge an nih a, khawngaihna mittui tla? Engkima tan chuan nupui neih chu midang ang bawkin 'decision' lian tak a ni a, a nun kawng chanvea inher danglam dawrhna tur a nih avangin nupui tur pawh a thlang fimkhur ang tih a rin theih. Hmangaih bawk, nunnem bawk, mite hmuha hmeichhe lepchiah ni lote hi Mizo mipa tan chuan nupui atana duhthlan tur nia ngaih a ni.<br /><br />March ni 27-a nupui neih dinhmun hrechiang bertu chu Engkima a ni, Salvation Army Major Lalbiaksanga fanu Lalhruaitluangi, kum 26-a upa nena an inneih dawn hian mo tur dinhmun hi a chhe tawh hle a, thisen cancer avangin hun rei a daih tawh dawn lo tih chu tlang hriat a ni.<br />An inneihnia mipui pungkhawm hnuk a ulh a, inneih thlalak pawh vawi li bak an hmet hman lo, mo a chau!<br /><br />Hun rei a daih tawh dawn lo tih hre mahse R Lalengkima chuan a nupui chan tur leh ama chan tur chu a hria a, khawvel eng a hmuh laia nupui atana neih hman ngei chu a 'decision' lian ber chu a ni ta a ni. April ni 4 a ni a, mo thar chu a chau zual a, Valley Hospital Silchar pan pui a ni a, a tuk Pathianni inkhawm reh laiin ni riat chauh a la pawm hman a pasal chu chatuan ram a pan san ta a ni. A vuinaah tap lo an awm meuh lo.zoatlauhttp://www.blogger.com/profile/11395104867287413631noreply@blogger.comtag:blogger.com,1999:blog-5766453372082083814.post-39739717357208001632009-04-07T02:11:00.001-07:002009-04-07T02:13:18.813-07:00Rahul Lammual hulhliapah<a href="https://blogger.googleusercontent.com/img/b/R29vZ2xl/AVvXsEgqX9nOCR9XH5HQq1qDi1MRvWzs-c2HfiKrGpNrVhx9hFbzN_wmzezMDwly052a3AF_hU03DflBqVBegS0Zxg6_g_xBROtZjiXYn344EgJeCzcDO-Rqos5Eu9tdoHX3ijRU2OByAA3oUkbt/s1600-h/Khaih.jpg"><img id="BLOGGER_PHOTO_ID_5321874743326650226" style="DISPLAY: block; MARGIN: 0px auto 10px; WIDTH: 320px; CURSOR: hand; HEIGHT: 285px; TEXT-ALIGN: center" alt="" src="https://blogger.googleusercontent.com/img/b/R29vZ2xl/AVvXsEgqX9nOCR9XH5HQq1qDi1MRvWzs-c2HfiKrGpNrVhx9hFbzN_wmzezMDwly052a3AF_hU03DflBqVBegS0Zxg6_g_xBROtZjiXYn344EgJeCzcDO-Rqos5Eu9tdoHX3ijRU2OByAA3oUkbt/s320/Khaih.jpg" border="0" /></a><br /><div></div>zoatlauhttp://www.blogger.com/profile/11395104867287413631noreply@blogger.com2tag:blogger.com,1999:blog-5766453372082083814.post-57547577483235130602009-04-06T20:35:00.001-07:002009-04-06T20:36:31.842-07:00Sem sem dam dam...Nikum Mizoram inthlanpui dawn hnai te kha a ni a, AR Lammual-ah prime minister Manmohan Singh a rawn kal dawn a, mipui pawh an pungkhawm nasa hle, chumi hmun kan va thlen chuan zaithiam Johana leh Ab-a hian, "Sem sem dam dam... N... L... U... P..." tiin an lo sa dup dup mai, mipui tan chuan thlamuan thlak tak a ni. "Cheng nuai khat an sem dawn," kha an ti mai si a.<br />Mipuiin an ring a, sawrkarna 'chance' pawh an pe nghe nghe, Congress chuan seat 32 ngawt an chang ta a. Chutah an han sawrkar ta cheng a, assembly budget session an han tan a, chief minister ber chuan Bible behchhana thu sawiin huan enkawltute chuan a rah pawh an ei hmasa ang a ti ta tlat mai. Chumi awmzia chu, "Congress mi leh sate chu duhsak hmasak an ni ang," tihna a ni, chu chu em ni sem sem dam dam, NLUP chu ni ta ang.<br />Chutah a sawi thui zel a, "Cheng nuai khat kan sem ang kan ti lo," a ti chho tan ta a, a sawi thui zel a, "Kum nga chhungin NLUP hian Mizoram a tuam ang kan ti lo," a ti leh a, "Kum 10 atanga 15 daihte pawh a duh ang," a la ti zui. Pathianni tuka vawksa hmeh ve na tur pawisa pawh khur dar dara phawrh thin thingtlangpa tan chuan beisei tur hi Mizoramah hian a va han tlem thin tak em. Thingtlang kuthnathawk hi economic survey chhuak hnuhnung bera a lan dan chuan Mizoram mipui zinga zaa 60 vel an ni. Chutah sawrkar thar hian "6th Pay kan implement ang," an la ti zui.<br />Lo hal khuk avanga thlawhna tum theih lohna state hian zir tur a ngah asin. Lo hal vut vut economy hian thlawhna tum hmun aia mamawh hi kan la ngah a nia. Sawrkar hnathawk hlawh hi a sang lutuk, kan budget zawng zawng deuhthaw an ei ral a, sixth pay kan hman phei chuan sawrkarin a hnathawk hlawh atana a sen belh tur chu vaibelchhe 250, kum khat zelah. 6th pay-ah chuan a hlawh tlem berin cheng 12000 vel a hlawh dawn, engtinnge tel leh dailuah mawm pawh ei phalo thingtlang mite hi an awm tak ang? Silai an pu mai ang tih a hlauhawm zia hi sawrkar hian a ngaihtuah em? NLUP-ah cheng hnih pe Congress-a inziaklut an han sem nghauh nghauh ang a, chutah chang ve lo rilru na leh beidawng, 6th pay vanga thil man to tawh lei pha si lote khawsak phung tur chu ngaihtuah ava ngai em? Kan ram hian New Economic Policy rang taka hman tur a mamawh...zoatlauhttp://www.blogger.com/profile/11395104867287413631noreply@blogger.com3tag:blogger.com,1999:blog-5766453372082083814.post-54111387550143533952008-10-15T00:30:00.000-07:002008-10-15T00:31:56.438-07:00Bial ngaihven hlawh Aizawl South IAizawl bial zingah chuan Aizawl South I hi tunhma zawng aiin kum 2008 inthlanah hian a ngaihnawm dawn niin a lang a, he bialah hian tuna bialtu MLA ni lai R Tlanghmingthanga dinhmun hi inthlan dang zawng aiin a derthawng tia sawi tawk an awm a, hei hi a chhan nia lang thei chu MNF pachal ni thin A Lalvunga, Bethlehem Vengin he bial hi Independent-a chuh a tum vang niin a lang thei a, chutih laiin Congress lam atangin candidate sawi chian a la ni rih lo a, ZNP leh MPC tangkawpn UDA ten K Liantlinga an vawrhchhuah leh ngei rin a ni a, Congress lamah hian ri ret ret pahnih awmin MPCC-a inhmang tak R Vanlalvena, Bethlehem pa leh Republic pa, tuna Khawhai bialtu MLA ni mek Lalrinliana Sailo chu he biala ding tura sawirik zingah an tel.<br />Aizawl South I hi Mizo National Front (MNF) te remna zawnga an rawn kir leh hnu atangin MNF bial tia sawi ngam a ni a, kum 1987 February ni 20 inthlan atanga kum 2003 inthlan thleng khan he bialah hian MNF chuan chungnungber nihna an hauh a, R Tlanghmingthanga chu 1987, 1989, 1993, 1998 leh 2003 inthlanahte he bialah hian a zawnin MLA atan thlan tlin a lo ni tawh a, hetianga mahni bial ngaia term nga zet thlan tlin theih hi Mizo MLA zingah an la tam lo hle a. Hei vang hian tun hnaiah boruak tlemin chhia angin lo lang deuh mah sela R Tlanghmingthanga hian he bial hi a chhuahsan ngam a rinawm chiah lo thung.<br />Kum 21 chhung vel Aizawl South I-ah hian R Tlanghmingthanga hi MLA a lo ni tawh a, amah khingtuten an thlau thei viau mai a, kum 2003 inthlan, inthlanpui hnuhnung ber khan ZNP leh MPC tangkawpin candidate an neih K Liantlinga chuan hnaih berin ani pawhi hian vote zathum vel laiin R Tlanghmingthanga hi a khing hneh lo a, Aizawl South I hi Congress tamna bial an ni ngai lo a, he bial chhungah chuan Congress thatna chu Republic Veng hi an ni a, College Veng lamah MPC an ziaawm laiin Venghluiah erawh MNF an tha thin thung a ni.<br />Aizawl South I hi Assembly bial dang ang lo takin khawih danglam nep ber pawl a ni a, Venghlui, Republic, Upper Republic, Republic Vengthlang, College Veng, Bethlehem, Bethlehem Vengthlang te hi tun tum South I bialin a huam chin a ni a, bial hluiah khan ITI Veng hi a tel a, ITI hi tun hnaiah MNF an tha chho hle a, amaherawhchu ITI hi bial tharah chuan South I-ah awm tawh loin South II lamah an tel dawn tawh thung.<br />Khi ti a nih khi chuan Aizawl South I hi chu bial hlui ang deuhthawa inthlanna neihna hmun tur a ni dawn a, he biala lo chak sa tawhte emaw, bial lo vil sa tan chuan 'chance' tha tak a awm thei dawn tihna a ni a, a nihna takah chuan bialtu MLA tan hian beiseina a la sang hle dawn a, mahse tun hnaia bialtu MLA an zuam ta viau hian ngaihtuahna erawh a tithui thung hle a ni.<br />CONGRESS: Aizawl South I hi Congress tan bial tha tak chu a ni hauh lo a, mahse tun hnaiah bialtu MLA department chante media lam atanga beihna thawm a rik rin tak viau avang hian MPCC lam pawh hian R Tlanghmingthanga bial hi an zuam ta deuh niin a lang a. Hun rei tak chhung Biate tlangval, Bethlehem lama khawsa nghet tawh R Vanlalvena chuan he bial hi a en deuh niin sawi a awm a.<br />R Vanlalvena hi MPCC secretary ni mekin an party tana thawhhlawk ber pawl tia sawi ngam a ni a, MZP president hlui niin Bethlehem vengah hian VC member-te pawh a lo ni tawh a, Congress tan chuan he biala ding tur zinga boruak nei lian ber pawl a ni pha nghe nghe.<br />Hetihlai hian tun MLA bial thara a bial an thendarh tak vek Khawhai bialtu Lalrinliana Sailo, tuna Upper Republic venga khawsa mek chuan South I hi tun hnaiah a melh ve leh mek niin sawi a awm a. A bial hlui an thendarh taka a enzui lam nia an sawi, Tuichang (Khawzawl leh Khawhai bial hlui khaw thenkhat te) chu en tho chungin South I lam hi a hawi tho niin an sawi a. Republic Vengah hian Congress vote tamin Lalrinliana Sailo hian he vote bank behchhan hian South I hi a en pawh a ni mai thei a, R Vanlalvena nen hian khaikhin thiam an har a, a tunge palian zawk ang tih hriat thiam a har rih hle.<br />Congress palian tak tak, Sainghaka, F Lalthlamuana, Upa Lalthlengliana, Upa VL Tluanga te chuan R Tlanghmingthanga hi an lo khing tawh a, mahse MNF pachal hi an khingthla zo meuh thin lo a ni.<br />ZNP & MPC: Aizawl South I sawi rik rual ruala hming langsar tak mai chu Venghlui lal chhungkaw thlah K Liantlinga hi a ni a, ani hi kum 2003 inthlana R Tlanghmingthanga hnaih bertu kha a ni.<br />K Liantlinga hi KC Lalvunga nau niin a pa chu Hrawva a ni a, an chhungkua hi Venghlui leh a chhehvelah hian an hung hle a, a party behchhan ZNP, MPC leh ZKP hi kum 2003-a ZNP leh MPC te tangkawp ai khan a len viau nachhan tur erawh a awm lo a, amaherawhchu ama mimal beihna atanga a vote hmuh tur hrim hrim hi chhut thiam a har a, tun tumah pawh hian a beiseiawm zingah chuan a tel ngei a rinawm. Kum 2003-a ZNP boruak lian tak ang kha tunah hian a la thleng rih lo a, thawhhona hi mipuiin an rin dawn leh dawn loh hriatthiam a har hun lai tak a nih avangin K Liantlinga vote hmuh dan tur hi chhut thiam a har hle a, mahse a chhelo hle ang tih erawh rin theih a ni.<br />MPC ticket hian JV Lalhluna chuan he bialah hian R Tlanghmingthanga chu a lo khing tla zo lo tawh a, chutiang bawkin K Liantlinga pawhin party pahnih tangkawp ticket-in a lo hneh tawh lo bawk.<br />INDEPENDENT: A Lalvunga hming a lo lang a, hei vang hian R Tlanghmingthanga chu a zuamawm ta deuh nia sawi thawm a awm tlat. Bethlehem pa hausa A Lalvunga hi a che na hle niin sawi thawm a awm a. Contractor niin MNF pachal a ni a, intihthiam lohna boruak a awm avangin MNF hi chhuahsanin he bialah hian Independent-in a ding dawn ta a. Ani hian MNF party-a inhmang tak takte chu a bial chhungah ama tana che tura a hman zel si avangin R Tlanghmingthanga vote hi a pawt hek ber dawn niin a ngaih theih a, R Tlanghmingthanga vote 200-300 a pawh hek chuan bialtu MLA tan hian tlakna tham a tling tlat a, a hma pawhin vote 300 vel chu a chakna a lo nih tawh avangin A Lalvunga hian R Tlanghmingthanga dinhmun hi a tiderthawng thei dawn niin a lang.<br />Hetihlai hian tunge hlawkpui ber ang tih chu sawi thiam a har a, Congress lam hian beiseina an neih rual rualin UDA lam pawhin beiseina an nei ve tho a, he bialah hian 'chiang sa' tia sawi tur a awm dawn lo a. Tang tak leh taima taka beih theuh a ngai dawn a, tum nga tlin tawh vangin a ngaihngam theih ngawt loh a, ruling hmingchhiat vangin eptu lam tan ngaihthat ngawt chi lah a ni hek lo. nzoatlauhttp://www.blogger.com/profile/11395104867287413631noreply@blogger.com1tag:blogger.com,1999:blog-5766453372082083814.post-29811344994398170352008-10-06T01:02:00.000-07:002008-10-06T01:07:19.302-07:00Ka rawn kir e<a href="https://blogger.googleusercontent.com/img/b/R29vZ2xl/AVvXsEiqYVOCOPiiyZlQN0OHdG5tM0gRmwPfuvEjF6zDYHvPHIGkKtQ_sDwXgIpGyzO9TAm-grBhrjovch5x-GSvaoyjsFLpe0VLXyOKcVVI2WGr7Kln4Idj2g_M1w4BExxne0ExtbJbvL1WwV_G/s1600-h/DSC_3503.JPG"><img id="BLOGGER_PHOTO_ID_5253949376257442962" style="FLOAT: left; MARGIN: 0px 10px 10px 0px; CURSOR: hand" alt="" src="https://blogger.googleusercontent.com/img/b/R29vZ2xl/AVvXsEiqYVOCOPiiyZlQN0OHdG5tM0gRmwPfuvEjF6zDYHvPHIGkKtQ_sDwXgIpGyzO9TAm-grBhrjovch5x-GSvaoyjsFLpe0VLXyOKcVVI2WGr7Kln4Idj2g_M1w4BExxne0ExtbJbvL1WwV_G/s320/DSC_3503.JPG" border="0" /></a><br /><div>Hun rei tak chhung blog ka upload hleithei lo a, tunah chuan internet lam a chiangkuan tak avangin blog upload hi in lo hmuh zeuh zeuh ka beisei.</div><br /><div></div><br /><div>Inthlan a hnai a, politics virvel boruak pawh a ngaihnawm tan hle mai. Inthlan boruakte pawh rawn post zeuh zeuh ka tum dawn nia. Ka blog lo chhiartute zawng zawng chungah duhsakna ka hlan e.</div>zoatlauhttp://www.blogger.com/profile/11395104867287413631noreply@blogger.com5tag:blogger.com,1999:blog-5766453372082083814.post-43128458559735698192007-08-26T03:04:00.000-07:002007-08-26T03:08:56.939-07:00Catherine Lalpuii psychiatry ward-ah<p>"Ka Ding Dawn Nge" tia rawn sawt auh auh, mite lawm hlawh tak Catherine Lalpuii chu rilru lam natna avangin Kulikawn damdawi inah psychiatry ward-ah dah a ni a, he damdawi inah hian a awm rei tawh hle a, hma erawh a sawn tak tak thei rih lo.</p><p>"Deep depression vangin damdawi inah hian ka lut a, ka la awm deuh char char ang, tunah chuan tlem chuan ka ziaawm deuh tawh a, mahse hma ka sawn tak tak thei lo," tiin zaithiam mite lawm hlawh tak chuan sawi.</p><p>Catherine Lalpuii leh a pasal inkarah hian boruak thalo a awm nge tih hriat a ni lo a, "Mipa reng reng hi ka ngei vek mai a ni," tiin a sawi a, a pasal nen an inneih chhunzawm pawh a rin chiah loh thu a sawi nghal bawk.</p><p>"Doctor-te chuan ka thil tawrh hi nasa an ti hle a, ka a lo chauh niin an sawi," a ti bawk.<br />Kulikawn damdawi inah hian female ward room number 22-ah a awm a, amah ngainatute'n an tlawh nasa hle a, a mamawhte an pek avangin a lawm hle a ni tih a sawi nghe nghe, a chhungte tlawh erawh a duh lo thung.</p><p>"Ka chhungte chuan min tlawh lo se tih hi ka chah duh a ni, ka hmuh chuan ka tap dawn zel a, ka insum thei dawn lo," tiin a sawi bawk.</p><p>Ei leh in lam a thlah a, ni nga chhung ngawt chaw a ei lo a, tunah chuan eng eng emaw chu a ei ve tan tawh a. Amaherawhchu a ei tam thei tak tak lo thung, cigarette a zu reng a, ni khatah Far Star bawm hnihte a zu zo.</p><p>"A man a tlawm a, a hlawk bawk a, Far Star hlir ka zu, ni khatah bawm hnihte ka zu zo a, ka zu khu reng a ni mai," tiin Catherine-i chuan a sawi.</p><p>Zaithiam dangte nen pawh an inbepawp reng a, Guwahati lama Illussion hotel-a zaia inhlawh mek Tlingi te nen pawh Catherine-i te hi an inbe pawp a, a harsatna tawh mekte an hriatthiam pui avangin a lawm hle a ni tih a sawi nghe nghe.</p><p>Engvanga hetianga rilru lam natna nei ta mai hi nge a nih erawh a sawi duh lo a, damdawi inah a awm a, 'treatment' a la mek a. Amah kantute pawhin a harsatna tawh nachhan hi zawt lo thei se a duh thin thu a sawi bawk.</p><p>Catherine Lalpuii hian nikum khan Kanan vengah pasal a nei a, a pasal nen hian fa pakhat an nei tawh a. A pasal neih tum hian media lamah a puangzar lem lo a, mi tam tak chuan pasal la nei lo emaw an ti nghe nghe thin a ni.</p>zoatlauhttp://www.blogger.com/profile/11395104867287413631noreply@blogger.com4tag:blogger.com,1999:blog-5766453372082083814.post-30541366851294413522007-08-21T00:37:00.000-07:002007-08-21T00:38:36.983-07:00Pathian zahlo in ti ringtu tha<p>In veng chhungah sunday school zirtirtu fel hmel tak, tlema Biak In hlat deuhte melh hrek hrek, a hnua an zirtirtu pui nen ngeia chesuala kohhran phuar hial ngai khawp an awm em? An tam viau ang tih a lang reng. Chu mai a la ni lo cheu, Pathian fakna hla saa rawngbawl chiam chiama 'inngaihna sual' vanga mualpho leh ta hi engzat nge he ringtu tamna ramah hian kan neih tak le?<br />A hmei apain raina khawpa chesual tur chuan vawi hnih khat chauh a ni lo ang tih chu thil chiang tak mai a ni a, tin, vawikhat an lo chesual a nih pawhin chu chu raina khawpa fuh pawh ni se, an rai hma emaw, rai hnuah emaw an chesual zui lo vang tih a sawi theih loh. 'Thingkunga vawikhat kan lawn theih tawh chuan kan lawnna ngaiah khan kan lawn kan lawn thei mai a ni' an tih ang deuh hian vawikhat a nih zauh tawh chuan mipain hmeichhia an zuam a, hmeichhia an tang ngam lo a, an chesual fo ta mai a ni.</p><p><br />He 'original sin' hi ti reng chunga rawngbawla mite hmaa zai emaw, sunday school zirtirtua tan chhunzawm emaw, KTP, TKP etc. a 'active' taka rau awm taka kan la in hmang thei tak hi alawm rapthlak lai ber mai chu. A saptawngin han thailang ve khanglang ila, engvangin nge 'quilty feeling' hi kan neih theih hlawl loh. Sual lian tak kan ti a nih chuan Pathian mithmuah 'misual leh tenawm' nia in ngaia 'inthlahrun' ve eihna kan nei lo ber mai hi kan 'in ti ringtu tha Pathian tihna nei miah lo' kan ni mai law'ng maw?</p><p><br />Mite'n an hriatchhuah hma chu tia sual rapthlak tak 'ti' reng chunga Kohhran rawngbawlna dawhsana la lawn reng a, fel ber leh rau ber hmel kan la pu thei hi a 'lem Kristian' kan nihna lai tak chu a ni ngei ang.</p><p><br />Zaithiam pakhat chu hmeichhiat mipat lama a mualpho dawn tih a inhriat reng tawh hnuah rawngbawlin a la fehchhuak a, mite hmaah fakna hla sain maimitchhing duar duarin a la zai thei. Mahse hemi hnu lawk hian a mualpho ta tho tho si a ni. Hei hi em ni kan Gospel singer thenkhatte nun dan tur ni chu? Thenkhat tihtak zeta zaia rawngbawl an awm lai hian a dera nungte hian an tihmelhem thin asin.</p><p><br />Gospel singer ngawr ngawr sawiselna ni lovin, a dera nung sawisel hi a tul ta. Gospel singer tam zawk khan mite'n an sawi dan cheu hi in duh vak lo ang, 'Vodka chuan rim a nei lo a, Gospel singer te zu alawm' an tih tak hi! Russia ram siamchhuah khawvela ZU lar ber pawl chu a RIM avangin Gospel singer thenkhat chuan SUALAH an ngai ta a ni maw! In rawngbawl pui Gospel singer thenkhat, hetianga fihlimte tan hian a va na dawn em!</p><p><br />Hei hi a ni kan ram dinhmun chiang tak chu, Kohhran pawh kawrah kan hmang tawh a, lemchanna atan rawngbawlna hi tam tak chuan kan hmang ta mek zawng a nih hi.<br />Mizo zinga ziaktu lar tak pakhat chuan, "Kohhrana rawngbawlna hi LEMCHANNA KHAWVEL a ni zo ta, a tam zawk hi chuan Pathian fakin rinna tak tak nen inngaitlawm takin rawng an bawl a, hetihlai hian lemchang hi an tam zo zai lutuk," tiin a sawi a, a pawmawm phian mai.<br />Kristianna leh rawngbawlna hi tih mai mai chi a ni lovin kei chuan ka ring tlat, Kristianna hi a nawlpuia kalpui chi a ni chiah em? Kan in pe tak tak dawn a nih chuan dam chhung thil a ni, "An chesual a, tunah chuan Pathianah harhtharna an nei leh tawh a, an fakawm khawp mai, amah pawh a hlim khawp mai," tihte hlei hlei hi khawvela NGAIHDAN hmanga inhnemna mai mai.<br />Mite hmaa kan dina Pathian tana Kohhran kaltlanga rawng kan bawl a nih tawh phawt hi chuan mite'n 'idol' ah min lo hmang thuai mai tih hi kan hriat nawn hi a ngai hle a ni. I chauh avang leh i chetsual avanga khatiang i thil tihsual kha 'pawi lo a niang' tihna nei tawk hi mi tam tak an awm tih hi hriat nawn fo a ngai a nia.</p><p><br />Ani pawh rawngbawltu leh Kohhran tana mi tangkai a ni a, anni pawh zaithiam lar rawngbawlnaa thawhhlawk tak an ni a, ani phei chu Kohhranah a kula tai a ni tawh an tihte'n an sual tih ngam loh an lo tih hian mi tam tak chuan kha sual kha ngaihzamna an nei thuai a. Mihringah nasa taka an lo innghah ve thin avangin an tlu ve ta thin a ni.</p><p><br />I tluk avanga mi tam tak an tluk ai chuan i insum a ngai a ni, a nih loh chuan mite hriat hmaa i lo tlu palh tawh a nih chuan i insiamthat a ngai tihna a ni mai. Chuti ni lova mite hriat tur thlenga rawngbawltu si i thleng a nih chuan i 'nep' hle tihna a ni lo thei lo. Sual hi mihring hian kan thup thei, mahse thup sen loh sual thlentu chu sual thup vang chauh hi a ni. I chesual a, mite'n an hre kher lo a nih pawhin 'quilty feeling' nei ang che, nasa taka insiamthat tum ang la, ti tawh ngai lo turin Insiamtharna tur zawng ta che, i rawngbawlna kal lai pawh kha chhunzawm hrih lo mai rawh, thawk turin i fuh chiah rih lo, nakinah i insiamtha ang a, i la kir leh em em ang, chuti ni lova i chhunzawm a, i 'ignore' zel a nih chuan a tawpah mualphona leh mi tam tak tlukna i thlen thei.</p><p><br />A hrim hrimin Pathian tana inpea rawngbawlna hial nei tawhte phei hi chu tluk tluk tur pawh niin a lang lo. Chhuanlam siam kan tlu zel dawn a nih chuan a ngaihna a awm lo viau ang, Pastor te hi an tlu an tlu lo vang, Pastor emaw, Father emaw han mualpho tak hi sawi tur an vang pharh mai. An invawng a, an rawngbawlnaah an chiang.</p><p><br />An laka kan rinawm em em laia kan hmangaih takte kan lakah an lo rinawm lo a, tum khat chiah pawh rinawm loa an lo awm a nih chuan kan rilru a na hle ang, keimahni pawh kan rinawm chuang loa anni pawh an rinawm chuang lo a nih chuan kan ngaizam viau mai thei. Hetiang deuh hian mihring lam atang pawhin teh ila, kan mi rin ve em em Kohhrana rawngbawltu leh zaithiamte an rinawm loh a, tumkhat chiah pawh an rinawm lo a nih hi chuan rin zawh an har viau tawhin a rinawm, Pathian tan phei chuan a rilru nat thlak viau ta ve ang.</p><p><br />Kohhran rawngbawlna ngaihven vak lo phei chuan hetianga mi challang deuh leh kohhran chhung ngeia mi tangkai tak tak an chetsual leh thin hian an nuih tet tet thin tih hriat hi a tha khawp mai, hei hian Kohhrana thalaite hi 'rinhlehna' lian tak a neihtir thin a, "Heti hian nalh tak takin an inchei a, Bible an hum a, chumi khamiah kan tawngtai an ti a, a tawpah an in rai leh mai zel..." tia sawi tawk an awm hi haw mai loa mahni inenfiahna atana hman a tha hle ang.</p>zoatlauhttp://www.blogger.com/profile/11395104867287413631noreply@blogger.com5tag:blogger.com,1999:blog-5766453372082083814.post-91192141935662851072007-08-07T03:38:00.000-07:002007-08-07T03:43:13.996-07:00An zalh ta!August ni 4, 2007 khan ka nupui pa(puzawn) chuan cancer natna avangin he khawvel hi a chhuahsan ta. A fate hi hnem thiam ila ka van ti tak em!<br /><br />Bawihi,Mahni hringtu pa sun tur hian naupang luat a awm thei lo a, chutiang bawkin upat luat a awm thei lo bawk. Mahse nang chuan he thil rapthlak tak hi i hmachhawn a ngai ta a, hmangaih leh duat taka i enkawl thin, a ei chak apiang pe thei tura theihtawp i lo chhuah thin chu tunah chuan i sun ve ta si a.<br /><br />I pa i hmangaihna hi kei chuan ropui ka ti asin, nang ang mi tawng tlem leh rilru chhungrila awm pawh sawi chhuak ngam ngailo hian i pa i hmangaih dan tur leh i lak nat dan tur hi kei chuan hmu ve phain ka in hria.<br /><br />Hmanni lawk khan kan khum lukham hnuaia tuma hmuh tura i beisei loh, "Lehkhathawn" kha ka lo chhiar fuh palh a, kha lehkhathawn kha a hmutu turin a hmu ngai tawh dawn lo tih pawh ka hriat tlukin i hria ang. Thichhawnga natna khuma a mut reng laiin nang chuan i pa i hmangaih zia kha ziakin i lo dah a, ka chhiar chhuak chu, min khawih khawp mai. Mahse khang thilte kha eng vangin nge a damlaiin i hrilh loh le?<br /><br />"Ka nu aia ka ngainat ka pa hi ka duat hman loa a pawi ka ti a ni," tia natna khuma a awm hnua i sawi kha kei chuan ka la theihnghilh ngai lo ang. Nang chu unau hmeichhia vek in nih avangin i rilru a 'pa' riau a, i ngainat zawng leh duh zawng i sawi lem lo, thinlungah i khawl a, i pai dai thin...<br /><br />Bawihi,I pa ruang chunga i mittui tla zawih zawiha i tap kha khawvela ka thil mak tih ber pawl a ni, i tap ngai lo a, i ngawi a, i tuar mai thin, mahse i hmangaih i sun nan chuan i mittui chu i lo ui si lo.<br /><br />I pa kuang lei thuahthip hnuaia kan dah thlaka pangpar mal khat chauh thehthlak paha aw fiah leh felfai taka midang awm thuap laia, "Pa mangtha aw..." i tih khan i kianga awmte chuan mak tiin an thlir che. I tap lo a, ngaihtuah ngaiin i awm lo a, i bula mite hrilhhaina khawpin i awm lo bawk, mahse nang chuan i hmangaihna kha thiam takin i lantir a, ka lo chhuang ve che asin.<br />Khawvela kan awm chhung chuan 'thihna' hi kan kianga awm reng a ni a, engtik niah emaw chuan nang leh kei pawh hian khawvel hi kan la chhuahsan ngei ang. Chutih hunah chuan a kal hnuhnung zawk tan tawrh ava har dawn em! Pathian rorel dan hi kan hriatthiam zel a ngai a, chu chu kan inhnemna ber a ni ta mai a nih hi.zoatlauhttp://www.blogger.com/profile/11395104867287413631noreply@blogger.com5tag:blogger.com,1999:blog-5766453372082083814.post-31764116919638619052007-08-03T03:03:00.000-07:002007-08-03T03:06:27.697-07:00Milar siam teuhin enge a nghawng?Naupang tam takin an ngaihsan leh an ngaihven ber chu reality show-a telte a ni chho mek a, naupang pakhat chuan a len huna a nih chak an zawhnaah, “Idol,Icon, Model etc.a ni mai,” tia a chhanna hian tunlaia Zoram dinhmun chiang takin a tilang niin a lang a, kan thil hlut leh kan ngaihven ber berte hi tuna naupang thangchho mekte ngaihven ber ber a ni mek a, hei hian nghawng tha lo tak a nei ang tih hlau tawk an tam ta hle a ni.<br /><br />“Media lamah inelna nasa tak a awm chho mek a, he kan inelna hian ‘milar’ kan siamchhuak tam tial tial mai si a, hei hi kan hnam hian a thatpui lo zawngin kan hmang ang tih a hlauhawm a ni,” tiin thil chikmi tak pakhat chuan Thalaite Huang a hrilh a, hei hi mi tam tak ngaihdan pawh a nih ngei a rinawm.<br /><br />Uar tawh lam uar hluai chi, hnam naupang kan nih avang hian tunah pawh hian ‘lar’ chak tak tak an lo tamzia chu sawi kher ngai lova chiang a ni chho mek a, state pawna cheng Mizo hnam, Mizorama awm ve ngailote’n an sawi chhuah fo chu. “Mizote chuan zaithiam etc. in ngaisang a, keini chuan lehkhathiam leh ngaihsan tlak khawpa mi hmingthate kan ngaisang,” tia a sawi hi kan hnamin kan hmachhawn mek leh kan nihna dik tak nite pawhin a ngaih theih tan ta viau mai.<br /><br />“Vengchhung mi pakhat tute emaw reality show siamah dinhmun sang a rawn hauh a, zanlai a ni emaw, ni lo emaw, a lawmpui turin kan intukkhawm a, mipui kan inhmukhawm a, ropui ber ang maiin kan lawm a. ‘Veng ti hmingthatu a ni’ tiin kan buaipui chiam chiam a, naupang zawkte’n an ngaisang a, hei hi ngun zawka ngaihtuah chu a ngai a ni, naupangte ‘moral’ hi kan tichhe thei a ni tih kan hriat nawn fo a tul,” tiin Mizo naupang chhiar tur chanchinbu siamtu, Mizo Kids Editor Laltlanzova chuan a sawi thin a.<br /><br />Naupangte tana thu tha leh chanchin tha hlui thintute ngaihdan hi ngun taka ngaihtuah chian a tul ta hle a ni. A hlimhlawp lai leh huau huau boruak ringawtah hian nu leh pa tam tak chuan kan fate an seilian mek tih an hre theuh ang a, hei hi an thanlenna atan a tha tawk em? tih hi zawhna lian tak a ni chho ta mek a ni.<br /><br />Inchhungkhur leh kawtthler titi tam ber chu tun hnaiah reality show-a kan hmuhte a nih fo avang hian a ngaithla hnemtu naupangte tan chuan ‘ngaihsan’ emaw, an nih ang nih ve chakna thinlung lian tak an nei lo thei lo niin a lang tan a, kan hnam ro hlu tak la ni turte sukthlek hi nasa takin tunah hian heng kan show neihte hian a ti kawi ang tih chu mi tam tak ngaihdan a ni mek bawk a ni.<br /><br />“Mi tam tak chuan hetianga hlimhlawp kan buaipui luai luai lai hian kan fate rilruah nasa takin hetiang thil hi kan tuh tih pawh an hre lem lo a. An bulah ngaihsan tlak chanchin kan sawi tlem ta em em a, hei hian an rilru puthmang nasa takin a kaihruai tih kan hriat nawn fo a tul,” tiin naupang lam chinchang hremi Psychologist pakhat chuan Thalaite Huang a hrilh.<br /><br />Zirna lama mi ngaihsan awm te, thiamna lamah mi entawntlakte leh an hnathawh that avanga chawimawi phute’n chawimawina an hmu tlem tial tial niin a lang a. Media lam chuan heng mi hlawhtlingte leh entawntlakte hi pholang fo mahse khawtlangina chawimawi luk luk a neihte hi an awm ta meuh lo a, hei hian kan khawtlang hruaitute pawh hian function lianpui neihna thama a ngaihte hi eng show show emawa langsarte chauh hi a ni ta em ni? tih zawhna mipuiah a tuh mek bawk niin a lang.<br /><br />Ropui taka inchawi-mawi a, entawntlak leh khawtlang tana mi chhuanawm lutuk ang maia show thenkhata hlawhtlingte kan chei-bawl ta vak vak thin hi kanpui zel chi a ni dawn em? Nge zirna kawng khata mi hlawhtlingte kan ngaih satliah ang mai hian vengchhung chanchinbuah kan chhuah lek dawn? Mipui hrim hrim pawh hian heng mite hi khawtlangin hun leh hmun pawh ngaihtuah lem lovin atso tak chungin kan chawimawi bung bung zel dawn? Mahni theuhin i ngaihtuah chiang teh ang u khai.zoatlauhttp://www.blogger.com/profile/11395104867287413631noreply@blogger.com4tag:blogger.com,1999:blog-5766453372082083814.post-22834648593278761892007-08-01T01:24:00.000-07:002007-08-01T01:25:55.262-07:00WelcomeHei le, IT lamah khawvel a thang zel a, pawl 10 exam zawh zana computer siamchhuah tuma bei chiam khan tunah chuan blog kan nei ve ta a nia, hma kan sawn ve e. A duh apiang tan tlawh theiha ni e.zoatlauhttp://www.blogger.com/profile/11395104867287413631noreply@blogger.com2